موهن جو دڙو- 10 سيپٽمبر (اي پي پي) پرڏيهي وزير بلاول ڀٽو زرداري سان گڏ گڏيل قومن جي سيڪريٽري جنرل انتونيوگوتريش ٻوڏ سبب متاثر موهن جو دڙو جي تاريخي ورثي کي پهتل نقصان جو جائزو ورتو، پرڏيهي وزارت مان جاري بيان موجب سنڌ جي وڏي وزير سيد مراد علي شاهه ۽ صوبائي وزير سيد سردار شاهه، پرڏيهي وزير بلاول ڀٽو زرداري ۽ گڏيل قومن جي سيڪريٽري جنرل کي موهن جي دڙي کي ٻوڏ سبب پهتل نقصان بابت بريفنگ ڏني، ان موقعي تي گڏيل قومن جي سيڪريٽري جنرل کي روايتي سنڌي اجرڪ به پيش ڪيو ويو.
