اسلام آباد- 09 جون (اي پي پي) حڪومت جو مقروض بيواهن جا گهر ٺهرائڻ لاءِ قرضن جي بقايائن جي ادائگيءَ لاءِ اسڪيم شروع ڪرڻ جو فيصلو ڪيو آهي. ايندڙ مالي سال ۾ بيواهن جي 10 رپين تائين جي بقايا قرض حڪومت پاڪستان ادا ڪندي، جڏهن ته وفاقي وزير اسحاق ڊار ايندڙ مالي سال جو بجيٽ پيش ڪندي ٻُڌايو ته مقروض ماڻهن جي بيواهن جي امداد لاءِ اڳوڻي وزيراعظم محمد نواز شريف اڳوڻن ٻن دؤرن ۾ بجيٽ 2000-1999ع ۽ 18-2017ع ۾ اسڪيم جاري ڪئي هئي. مالي سال 24-2023ع جي حوالي سان اهڙي ئي اسڪيم هائوس بلڊنگ فنانس ڪارپوريشن مقروض بيواهن لاءِ متعارف ڪرائي پئي وڃي. ان تحت انهن بيواهن جي 10 لک رپين تائين بقايا رقم پاڪستان حڪومت ادا ڪندي.
