لاهور – 22 – مئي (اي پي پي) وزيراعظم محمد شهباز شريف هڪ ڏينهن جي دوري تي ڪوئيٽا روانو ٿي ويو. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف لاهور کان ڪوئيٽا جي لاءِ روانو ٿيو جتي هو راندين جي 64 هين قومي مقابلن جي افتتاحي تقريب ۾ شرڪت ڪندو ۽ انهن مقابلن جي باقاعده شروعات ڪندو. وزيراعظم ان موقعي تي تقريب کي خطاب پڻ ڪندو. ان کانسواءِ وزيراعظم ڪوئيٽا ۾ سياسي قيادت سان اهم ملاقاتون پڻ ڪندو.
