اسلام آباد – 22 – آگسٽ (اي پي پي) نگران وزيراعظم انوارالحق ڪاڪڙ سان قومي اسيمبلي جي اڳوڻي ميمبر سردار ڪمال خان بنگلزئي جي قيادت ۾ بلوچستان سان تعلق رکندڙ 6 رڪني وفد ملاقات ڪئي. وزيراعظم آفيس جي ميڊيا ونگ پاران جاري بيان موجب وفد وزيراعظم کي عهدو سنڀالڻ تي مبارڪباد ڏني. وفد نگران وزيراعظم کي بلوچستان جي مسئلن بابت آگاهه ڪيو. نگران وزيراعظم نگران حڪومت پاران بلوچستان جي مسئلن جي حل لاءِ پنهنجي سمورين ڪوششن جي خاطري ڪرائي.
