اسلام آباد ۔ 16 مئی (اے پی پی)وفاقی وزیر خزانہ سینیٹر اسحاق ڈار آکھیا جو نویں مالی سال وچال ملک دے مجموعی قومی پیداوار دی شرح نمو6فیصد تئیں ودھاونڑ تے توجہ ڈتی ویسی،میکرو اکنامک استحکام دے بعد بلند شرح نمو دے حصول نال فی کس آمدنڑی اتے روزگار دے موقع ودھسن جئیں دے نتیجے اچ لوکاں دے معیار زندگی اچ چنگائی امسی۔ جاپانی جریدے نکئی ایشیئن رویوکوں آپنڑے انٹرویو اچ انہاں آکھیا جو پاکستان انفراسٹرکچر ،چھوٹے کاروبار اتے تخفیف غربت دے پروگراماں اچ سرمایہ کاری ودھاونڑ سانگے پرعزم اے،ایں مقصد سانگے بین الاقوامی شراکت داراں دی حمایت حاصل اے۔انہاں آکھیا جو آندے مالی سال وچال مالیاتی اقدامات اتے پالیسیاں بارے حکومتی کوششاں نال گروتھ کوں تقویت ملسی۔
