پېښور 14 اګست (اے پي پي) د كشمير او ګلګت بلتستان چارو وفاقي وزير او د مسلم ليګ (ن) خېبر پښتونخوا صدر انجينئر امير مقام وئيلي دي پاکستان زمونږ د مشرانو د قربانو نه پس آزاد شوے،د هېواد حفاظت په ټولو پاکستانيانو فرض دے۔د دې خيالاتو څرګندونه ده د پاکستان مسلم ليګ (ن) سيکرټريټ پېښور او مردان شير ګړھ كښې د آزادۍ ورځ په موقع لويو غونډو ته وينا كښې وكړه۔په دې موقع وفاقي وزير انجينئر امير مقام د آزادۍ ورځ کيك هم كټ كړو۔پېښور كښې دستورې ته وينا كښې وفاقي وزير انجينئر امير مقام ووئيل د آزادۍ ورځ دستورو مقصد هېواد سره د مينې څرګندونه ده، د پاكستان تحريك آزادۍ په مهال ګڼ شمير كسان شهيدان شوې ؤ،ګڼ شمير ميرمنو سره غير انساني سلوک شوې او دا د هغوې د عظيم قربانيو نتيجه ده چې نن مونږ په يو آزاد هېواد كښې ژوند كوو او مونږ ته ټول حقوق او سهوليات ترلاسه دي۔ده ووئيل پاکستان په 27 رمضان المبارك د نړۍ په نقشے كښې ښكاره شوې او څوك هم دې ته زيان نه شي رسولې۔ وفاقي وزير سياسي مخالفينو ته ووئيل وګورئ وزيراعظم محمد شهباز شريف په مشرۍ كښې پاکستان څه ډول پرمختګ كوي۔ده ووئيل د پاکستان اولس دغه ټول مخونه پيژني كومو چې په 9 مئي 2023 په سيکورټي او سرکاري تنصيبات بريد كړې۔ پاکستان پخواني وزيراعظم محمد نواز شريف اتومي قوت جوړ كړې او د هند د اتومي تجربو په مقابله كښې د هغه وخت وزيراعظم محمد نواز شريف په چاغي سيمه 6 اتومي تجربے كولو سره د پاکستان دفاع ناقابل تسخير جوړه كړه۔ وفاقي وزير ووئيل د مسلم ليګ (ن) حکومت لوډشيډنګ
