پینډۍ 04 نومبر (اے پي پي) د پاك پوځ مشر جنرال قمر جاوېد باجوه په مشرۍ كښې 226م كور كمانډرانو كنفرنس د ګل په ورځ جنرل هېډكوارټر كښې اوشو چې پكښې د قامي سلامتيا او جيو ستراتېژېكي حالاتو جاج واخستلې شو۔په كنفرنس كښې د كورنۍ سلامتيا٬ختيزو پولو٬اېل او سي او د جمو كشمير صورتحال جاج واخستې شو ۔د آئي اېس پي آر له مخې كور كمانډرانو د ټولو خطرو په ضد د هېواد دفاع كولو له د عزم څرګندونه وكړه۔سرلښكر جنرال قمر جاوېد باجوه غونډې ته خپل خطاب كښې ووئيل مونږ د وسله والو ځواكونو٬قامي ادارو او د ټول قام په قربانيو او اجتماعي هڅو كورنۍ سلامتيا او استحكام ترلاسه كړي٬مونږ به د كوم هم ناوړه مقصد لپاره د قربانيو دې ميوو ته زيان اونه رسوو۔ده ووئيل پاك پوځ د رياست يوې مهمې برخې په حېثيت د آئين له مخې څنګه او كله چې اووئيلې شي د قامي ادارو مرستې لپاره خپل فرائض ترسره كوي۔ده ووئيل د پاكستان وسله وال ځواكونه د قامي ادارو او قام په ملاتړ سره د هر ډول چېلنجونو٬ختيزو پولو او اېل او سي د څه ډول خطرو مخ نيوي له په بشپړه توګه چمتو او لوظي ولاړ دے۔
