اسلام آباد 07 نومبر (اے پی پی) وزیراعظم عمران خان وئيلي دي د پی ټی آئی حکومت د غريبۍ ختمول يواځې تر مالی مرستې محدود ساتل نه غواړي بلکه نورو څانګو كښې اصلاحات او د روزګار موقعې وركولو سره يو كوټلې حل غواړي ، د اسټنټډ ګروتھ مسئلې حل له د صحت ، تعلیم، خوراك، ماحولیات او نورو څانګو تر مينځه همغږۍ ته اړټيا ده۔ ده دا خبره د شورو په ورځ د غريبۍ ختمولو او په دې اړه د نورو اصلاحاتو په حقله د غونډې مشري كولو سره كړې۔ غونډه كښې د خزانې وزیر اسد عمر ، د منصوبه بندۍ او پرمختګ وزير مخدوم خسرو بختیار، د اسټیبلشمنټ صلاحكار محمد شهزاد ارباب، د بينظیر انکم سپورټ پروګرام چیئرپرسن ډاکټر ثانیه نشتر، د بیت المال اېم ډی عون عباس بپی، د این آر ایس پی سی ای او ډاکټر راشد باجوہ، د پاکستان پاورټی ایلیوی ایشن فنډ سی ای او قاضی عصمت عیسیٰ، د پاکستان مائیکرو انوسټمنټ کمپنۍ سی ای او یاسر اشفاق او نورو اعلیٰ چارواكو ګډون وكړو۔ په غونډه كښې د غريبۍ ختمولو او په نورو اړوندو اقداماتو او اصلاحاتو په اړه وزیراعظم ته بریفنګ وركړې شو چپكښې په كوټلې تګلاره غور وشو۔ ګډون كوونكو ته د فنی تعلیم ودې ، د روزګار موقعو زياتولو ،مالی مرستې رسنې او ارزانې استوګنې ،سماجی تحفظ او صحت انصاف کارډ په اړه هم تفصیلی بریفنګ وركړې شو۔ په دې مهال وزیراعظم ووئيل اسټنټډ ګروتھ د صحت په څانګه كښې تر ټولو مهمه مسئله ده كومه چې زمونږ بچې د پرمختګ برابر موقعو څخه محروم کوي ، پھ دې اړه سمدستي اقدامات ته اړټيا ده۔ د بریفنګ په مهال ووئيلې شول اسټنټډ ګروته په وجه د هېواد د معیشت جی ډی پی كښې د كال 3 فیصده زيان كېږي۔ بلوچستان او پخواني فاټا سيمې تر ټولو زياتې ځپلې شوي۔ ګډون كوونكو ته وئيلي شول غريبي او اسټنټډ ګروته نيغ په نيغه تعلق لري۔ وزیراعظم ووئيل د پی ټی آئی حکومت د غريبۍ ختمول يواځې تر مالی مرستې محدود ساتل نه غواړو بلکه ن
