نيوريارك 11 نومبر(اے پي پي) پاكستان فلسطيني ګډوالو سره د مرسته كوونكې نړيوالې ادارې لپاره خپله مرسته زياته كړې او فلسطيني كډوالو لپاره د نړيوالې ادارې مشر پيئرے كراهن بوهل د پاكستان د اضافي مرستې ستائنه كړې۔ په ملګرو ملتونو كښې د پاكستان سفيرې مليحه لودهي په نيويارك كښې اضافي مرسته فلسطيني كډوالو لپاره د نړيوالې ادارې ډائرېكټر ته وسپارله۔ په دې موقع د پاكستان سفيرې مليحه لودهي ووئيل چې د پاكستاني حكومت په هدايت او د پاكستاني اولس د خواهشاتو له مخې پاكستان فلسطينيانو لپاره مرسته زياته كړې۔ هغې ووئيل چې پاكستان تل خپلو فلسطيني وروڼو سره ولاړ دے۔ هغې هيله څرګنده كړه چې دې مرستې سره به د فلسطيني ماشومانو سكولونه فعاله پاتې شي۔ دې ادارې سره امريكې سږ كال خپله مرسته 300 مليونه ډالره كمه كړې وه او د دې نه پس دا اداره مالي ستونزو سره مخ شوې او د مرستې يو شمېر چارې ئې ودرېدلې دي۔ او آئي سي او پاكستان دې ادارې ته د مرستې پېكج وركړے۔
