اسلام آباد 07 اګست (اے پي پي) وزيراعظم شهباز شريف وئيلي دي چې د بلوچستان د اولس پرمختګ او سوكالي د حكومت په وړومبو ترجيحاتو كښې شامل ده٬ د صوبې معدني پانګو څخه د بشپړه استفادې كولو په اړه چاغي منرل راهداري جوړٶ۔ د شورو په ورځ د وزيراعظم آفس ميډيا ونګ لخوا د جاري بيان له مخې وزيراعظم شهباز شريف سره د سېنېټ پخواني چئيرمېن او د صوبائي اسمبلۍ غړي صادق سنجراني وليدل۔ په دې موقع د صوبې په بېلا بېلو چارو هم د خيالاتو څرګندونه وشوه۔ وزيراعظم ووئيل د بلوچستان د اولس پرمختګ او سوكالي د حكومت په وړومبو ترجيحاتو كښې شامل ده٬ د صوبې معدني پانګو څخه د بشپړه استفادې كولو په اړه چاغي منرل راهداري جوړٶ، په چاغي منرل راهدارۍ كښې په يو شمېر منصوبو غور كوٶ۔ ده ووئيل چاغي او شا او خوا سيمو كښې د معدني پانګو ګوادر بندرځائ ته رسنه ممكن كولو لپاره د چاغي نه تر ګوادر به د رېل پټلۍ غزولې شي، په چاغي كښې د برېښنا رسنې نظام بهتر كولو له ګرډ سټېشن جوړولې شي او سيمې ته د اوبو پرله پسې رسنې لپاره هم اقدامات كوٶ۔ په دې موقع صادق سنجراني د بلوچستان په پرمختګ او سوكالۍ كښې په خصوصي خوښي لرلو او په دې لړ كښې په عملي اقداماتو د وزيراعظم مننه وكړه۔ ده وزيراعظم ته د نوکنډي ښار پرمختګ پحقله د نوكنډي ماسټر پلان په لائحه بريفنګ هم وركړو
