اسلام آباد 15 اګست (اے پي پي) وزيراعظم محمد شهباز شريف د چناب درياب او شا و خوا سيمو كښې د ممکنه سېلاب او د پنجاب شهري سيمو كښې د بارانونو او سېلابي صورتحال متوقع خطر مخنيوي لپاره اين ډي اېم اے، پي ډي اېم ايز او نورو اړوندو ادارو ته د چمتو پاتې كيدو سپارښتنه كولو سره وئيلې دي نهرونو، خوړونو او دريابونو خوا ته د متوقع سېلابي چپو مخنيوي لپاره وړاندې څخه حفاظتي اقدامات وكړئ۔د زيارت په ورځ د وزيراعظم آفس ميډيا ونګ د اړخه جاري شوي بيان له مخې وزيراعظم ووئيل تر 25 اګست د پشكال متوقع سپيل ډېش بورډ به پخپله نګراني كوم،اين ډي اېم اے، پي ډي ايم ايز، ريسکيو او ريليف ادارې، سول ډيفنس او ضلعي انتظاميې دې د چناب درياب په کيچمنټ ايريا او بارانونو له امله سېلابي صورتحال خطر سره مخ ښارونو كښې د اولس حفاظت لپاره هر وخت چمتو پاتې شي،په كوم هم بيړني صورتحال كښې د وګړو ويستلو او ريسکيو كولو ، د اوبو وېستلو ، داروګان وركولو ، د خيمو او نورو امدادي څيزونو ترسيل لپاره دې چمتوالے باوري كړے شي۔ده ووئيل د بارانونو او سيلابي صورتحال له امله په متوقع توګه د ځپلو كېدونكو سيمو د وګړو صورتحال خبر وركول دې په وخت باوري كرے شي۔
