اسلام آباد۔18ستمبر(اے پی پی)کینیڈا دی حکومت خالصتان ریفرنڈم نال سکھاں کوں اپݨی رائے دے اظہار تو روکݨ توں انکار لریندے ایکوں کینیڈین قوانین دے قانون اچ ہک پرامن اتے جمہوری عمل قرار ݙتے۔ ہک ہندو مندر تے حملے اتے خالصتان سکھ رہنما دے پوسٹر پاڑݨ بارے کینیڈین حکومت دے ہک عہدیدار آکھیے جو کینیڈین شہریاں کوں اظہار رائے دی آزادی کیتے کینیڈین قوانین اچ رائے ݙیوݨ دا حق ملیا ہوئے۔ کینیڈین حکومت اے وضاحت بھارتی حکومت ولوں پروپیگنڈہ توں بعد کیتی اے جو کینیڈا خالصتان حامیاں حامیاں دے خلاف کارروائی کرے جیڑھا 10 لکھ سکھاں دا گھر اے۔ خالصتان کیتے ہک وݙی مہم خالصتان اتے علیحدگی پسند گروپ سکھز فار جسٹس چلیندی پئی اے۔ بھارتی حکومت 18 ستمبر کوں اونٹاریو دے برامپٹن اچ گور میڈوز کمیونٹی سینٹر اچ خالصتان ریفرنڈم دی ووٹنگ توں پہلے کینیڈین حکومت تے سفارتی ??با?? سٹݨ دی کوشش کیتی اے۔ کینیڈین حکام واضح کیتے جو کینیڈین شہریاں کوں کہیں وی سیاسی سرگرمی دی آزادی اے، او پرامن اتے جمہوری حقوق دا مطالبہ کر سڳدن۔ کینیڈا دے رکن پارلیمنٹ سکھ مندر سنگھ دھالیوال آکھیے جو آئینی و جمہوری سیاسی اظہار کوں نئیں روکیا ونڄ سڳدا۔ سکھز فار جسٹس دے کونسل جنرل ا??ے نیویارک اٹارنی گروپتون سنگھ پنن آکھیے جو بھارتی حکومت سکھاں کوں مغرب دے اڳو انتہاپسند ٻݨا تے ݙکھاوݨ دی کوشش سانڳے ہر چال چلی اے ٻھل جمہوری حکومتاں بھارتی ??با?? اچ آوݨ توں انکار کرݙتے، ووٹنگ تھیوݨ تؤں بعد اے کیس اقوام متحدہ اچ چاتا ویسی، سکھز فار جسٹس اتے ٻیاں خالصتان نواز تنظیماں دا تشدد نال کوئی تعلق نئیں، ساݙا مقصد ووٹ دی طاقت دا استعمال اے۔ سکھز فار جسٹس دے پالیسی ڈائریکٹر جتندر سنگھ گریوال آکھیے جو خالصتان ریفرنڈم دا مسئلہ آزادی اظہار دے دائرہ اچ آندے، بھارت کوں وی اے اصول سمڄھݨا ہوسی جئیں اپݨی ریاست اچ حق کیتے اڳو آوݨ آلیاں کوں مجرم ٻݨا ݙتے اتے اڄ ??کھ??ں سکھ جیڑھے اپݨا حق خود ارادیت چاہندن کوں دہشت گرد قرار ݙتا ویندے۔ مودی ھکومت کیتے ٻئے ملکاں اچ ہزاراں سکھاں دا اپݨے حق کیتے کٹھا تھیوݨ ہک چنتے دی ڳالھ اے جو او بھارت توں آزادی اتے خالصتان دی آزاد ریاست چاہندن۔ بھارتی حکومت کینیڈا کوں سکھاں دے حق توں روکݨ دا مطالبہ کیتے جیڑھا مسترد کر ݙتا ڳئے۔
