اسلام آباد۔10فروری(اے پی پی) وزیراعظم محمّد شہباز شریف معروف شاعر، مصنف، ڈرامہ نگار و کالم نویس امجد اسلام امجد دی وفات تے ݙکھ تے افسوس کیتے ۔ وزیراعظم آفس دے میڈیا ونگ توں جاری بیان موجب وزیراعظم امجد اسلام امجد دے اہل خانہ اتے انہاں دے دے مداحیں نال تعزیت وہمدردی کیتی اے ۔ وزیراعظم آکھیے امجد اسلام امجد اپݨے عہد دے ساریں توں وݙے نظم نگار ہن۔ انہاں انسانی جذبات کوں اپݨی تہذیب اتے روایت دے مطابق زبان ݙے تے امر کرݙتا ۔ وزیراعظم آکھیے ذاتی حوالے نال او ھک وݙے انسان ہن ، علم وادب نال دلچسپی رکھݨ آلے ہر پاکستانی گھر دے او بندے ہن ،انہاں دی رحلت دا ݙکھ پاکستان دے ہر شہری دا ذاتی ݙکھ اے ۔،شعرو ادب دی ہر صنف اچ انہاں آپݨی صلاحیتاں اتے فن دا لوہا منوایا ۔ وزیراعظم آکھیے انہاں دی وفات علم وادب دے شعبے دا ناقابل تلافی ضیان اے ۔ وزیراعظم دعا کیتی جو اللہ تعالی مرحوم کوں جنت الفردوس اچ اعلی مقام عطا فرماوے اتے لواحقین کوں صبر جمیل ݙیوے۔ آمین
