بيجنګ31اګست (اے پي پي)چين كښې د پاكستان سفير معين الحق وئيلي ديپاکستان او چين په افغانستان كښې جامع، په پراخه بنياد او متفقه حكومت جوړېدل غواړي٬ دواړه هېوادونه به په دې لړ كښې د ټولو ستړو مرسته او ملاتړ كوي۔ د نهې په ورځ ”ګلوبل ټائمز” سره خپله خاص مركه كښې ده ووئيل په افغانستان كښې د وګړو په خاص توګه د مېرمنو٬ انجونو ٬ اقليتونو او د بې وسه طبقو د حقونو تحفظ او ودې ته اړتيا ده ٬ پاکستان او چين په طالبانو زور رواړي چې ھغوي د افغانانو د ټولو حقونو تحفظ وكړي۔ ده ووئيل مونږ هيله لرو چې په افغانستان كښې سرګرم ترهګرو تنظيمونو او ډلو څخه به كوم هېواد ته زيان نه رسي٬ پاكستان او چين افغانستان په تندۍ سره د بدلېدونكې وضعې د نزدې نه جاج اخلي٬ د ټولو نه مهم او وړومبے ضرورت افغانستان كښې د تشدد خاتمه ده۔ ده ووئيل مونږ هيله لرو چې طالبانو به امن راولي او د ترهګرو تنظيمونو نور بريدونه به بند شي۔ سفير معين الحق ووئيل پاكستان د افغانستان څخه د ټي ټي پي، داعش، اي ټي آئي اېم او نورو ترهګرو تنظيمونو د خطرو نه خبر دے۔ ده ووئيل چين او پاکستان په افغان مسئله نزدې تماس لري د چين رياستي قونصلر او خارجه وزير وېنګ ېي د پاكستان خارجه وزير شاه محمودي قرېشي سره د افغانستان په تازه صورتحال خبرې كړي او چا چې افغانستان څخه د پاکستان او چين اهلكارو او د ادارو تحفظ لپاره طالبانو سره په کميونيکيشن كښې اضافه او د ترهګرۍ خاتمې په اړه خبرې كړي ۔ده ووئېل دې مقصد لپاره د پاکستان خارجه وزير د افغانستان د ګاٶنډيانو هېوادونو تاجکستان، ازبکستان، ترکمانستان او ايران دوره كړې٬ ځكه چې بدلېدونكے سيمه ايز صورتحال د زياتې نزدې رابطې تقاضا لري
