اسلام آباد 27 دسمبر (اے پي پي) د تعليم نګران وفاقي وزير مدد علي سندھي وئيلي دي د اقبال فكر انسانانو لپاره د لارې مشال دے٬ د اقبال د غوره ژوند پېغام د وړاندې نه زيات تازه دے ده دا خبرې په علامه اقبال اوپن پوهنتون كښې “فكر اقبال د يويشتمې پېړۍ په تناظر كښې او د اسلامي نړۍ دوه عظيمو شاعرانو اقبال او محمد عاكف” په موضوع دوه ورځني نړيوال كنفرنس ته خپلې وېنا كښې وكړه۔ ده ووئيل د شك نه غېر د اقبال په شاعرۍ او فلسفه كښې مخاطب مسلمان ٶ خو د ھغوي فكر افاقي او ګڼ اړخيزه ٶ او د ھغوي پېغام د نړۍ انسانانو لپاره دے، د اقبال د حيات افرين پېغام د وړاندې نه زيات تازه دے او نن هم مونږ دې ته اړتيا لرو۔ وفاقي وزير ووئيل د اقبال په فكر كښې د مسئلو حل موجود دے۔ ده ووئيل زه ډېره په خوشحالۍ دا خبره كوم چې د شاعر مشرق ډاكټر علامه اقبال په نامه تړلې په دې پوهنتون كښې د اقبال په فكر دوه ورځنے نړيوال كنفرنس كېږي چې پكښې نه يواځې ګرد هېواد څخه پوهان او اقبال شناس ګډون كوي بلكې مصر، ايران او د ترکيه د دانش خاوندان هم دلته موجود دي۔ ده ووئيل په اقبال نړيوال كنفرنس د پوهنتون وائس چانسلر پروفېسر ډاكټر ناصر محمود او د ھغه ټولې ډلې ته مباركي وركوم
