کوئټه 03 جنوري (اے پي پي) د مذهبي چارو نګران وفاقي وزير انيق احمد وئيلي دي پاكستان كښې ټول اقليتونه محفوظ او په هند كښې غېر محفوظ دي ، سږ كال لپاره د حاجيانو په اړه ټول اتنظامات بشپړ كړے شوي، حکومت به سږ كال دوي له د سفر غوره اسانۍ وركوي۔ د دې خيالاتو څرګندونه ده په كوئټه حاجي كېمپ كښې پرېس كنفرنس كښې كړې۔ ده ووئيل د تېر كال په مقابل كښې سږ كال د حج پېكج يو لك روپۍ كم كړے شوے٬ د دې نه وړاندې په يوولس لكه 75 زره روپۍ او سږ كال په لس لكه 75 زره روپۍ حج پېكج دے٬ دغسې مېرمنو حاجيانو ته به ويړيا برقعې وركولې شي۔ ده ووئيل پخوا به افغان كډوال د پاكستان په پاسپورټ كارولو عمره او حج له تلل ٬ ځكه دا ځل بلوچستان څخه ډېر لږ درخواستونه تر لاسه شوي۔ ده ووئيل په كوئټه كښې انتظامات د ډاډ وړ دي۔ ده بلوچستان كښې د مذهبي همغږۍ پحقله سېمينار خوشبينه وګرځولو او په دې لړ كښې ئې د علمائے كرامو د هلو ځلو ستائنه وكړه۔
