ډیووس۔18جنوری (اے پی پی) نګران وزيراعظم انوار الحق كاكړ سره د سعودي خارجه وزير فېصل بن فرحان په ډيووس كښې د نړيوال اقتصادي فورم غونډې په موقع ملاقات وكړو ٬ د دواړو لارښودو ترمينځه د دوه اړخيزه اړيكو پياوړتيا په اړوندو چارو د خيالاتو څرګندونه وشوه۔ د وزیراعظم آفس میډیا ونګ لخوا د جاري شوي بيان له مخې وزيراعظم د پاكستان او سعودي عربستان ترمينځه د ورورولۍ نزدې اړيكو په تزويراتي اهميت زور راوړو كومې چې په شريكه كلتوري ورثه او په شريكه ګټه سره تړلې دي۔ ده په دې خبره زور راوړو چې پاكستان د تجارت ٬ سرمايه كارۍ او اولسي رابطو په شمول دوه اړخيزه اړيكې لا مضبوطولو له خوښي لري۔ وزیراعظم د خادم الحرمېن الشریفېن د مشرتابه ستائنه كولو سره ووئيل پاكستانے اولس سعودي مشرتابه او اولس لپاره د احترام جذبه لري۔ په ملاقات كښې په سيمه ايزه وضعه هم د خيالاتو څرګندونه وشوه۔ وزیراعظم انوار الحق کاکړ ووئيل سيمه ايز استحكام لپاره د دواړو هېوادونو ترمينځه د ورورولۍ نزدې اړيكې زياتې مهمې دي
