لاهور 27 جنوري (اے پي پي) د مسلم ليګ (ن) مشر او پخواني وزيراعظم محمد نواز شريف وئيلي دي چې مسلم ليګ (ن) اقتدار كښې راتلو سره به د تعليم، صحت او معيشت پشمول ټولو څانګو كښې د اولس خدمت كوي ٬ د انتقام نه بكله د پرمختګ سیاست ته به پام لرنه كولې شي، د تېر وخت ظلمونه هېرولو سره به د سباؤن پلان جوړولې شي او هم دې لپاره هېواد ته راستون شوې يم، ټول ټیم له مبارکي وركوم چا چې د ګوند منشور تیار کړی، د تحریك انصاف په دور کښې په هېواد كښې د ګرانۍ سېلاب راغلی۔ دا خبره ده د خالي په ورځ په ماډل ټاون كښې د پاكستان مسلم ليګ (ن) د منشور د ډيجيټل لانچنګ په موقع وينا كښې كړې۔په دې موقع د مسلم ليګ (ن) صدر محمد شهباز شريف، چيف آرګنائزر مريم نواز، د خزانې پخوانې وزير اسحاق ډار، احسن اقبال، سردار آيا صادق، مريم اورنګزېب، پروېز شاهد، خواجه سعد رفيق او خواجه آصف او نور د ګوند کارکنان موجود وو۔ محمد نوازشريف ووئيل هغې کسانو له مبارکي ورکوم كومو چې د مسلم ليګ (ن) انتخابي منشور په تيارولو کښې برخه اخستې ده۔ ده ووئيل د پاكستان ځينې سياسي ګوندونه كوم منشور نه لري د هغوي منشور يوازې لانګ مارچ او دھرنې دي۔ده ووئيل د مسلم ليګ (ن) د هېواد په پرمختګ ته پام لرنه كوي، مونږ د انتقام په سياست باور نه لرو، مونږ د تېرو وخت ټول ظلمونه هېرولو نه پس د راتلونكو پلانونو لپاره تيار يو۔ مونږ د خلکو د خدمت په خاطر څو ځله زندانونه تېر کړي دي، که پاکستان د سوکالۍ پلو روانو له يو ځل بيا هم مونږ ته سختۍ زغمل ؤ نو مونږ به ورته چمتو یو۔
