اسلام آباد 05 نومبر (اے پي پي) پاکستان او ماليزيا د تجارت، تعليم، ټيکنالوجي، انفراسټرکچر ډويلپمنټ پشمول بېلا بېلا څانګو كښې دوه اړخيزه مرسته ته سلا شوېدي۔ دا اتفاق د نهې په ورځ د خارجه وزير مخدوم شاه محمود قرېشي د ماليزيا دورې په مهال خپل همڅنګ داتو سېف الدين عبدالله سره ملاقات كښې راغلې ٬ د ملاقات په مهال د دوه اړخيزه اړيكو٬ د اقتصادي او تجارتي مرستې د ودې پشمول د شريكې خوښې په چارو د خيالاتو څرګندونه شوې ده ۔ په دې موقع شاه محمود قرېشي ووئيل دواړه هېوادونه د اوږدې مودې د ملګرتيا ژورې اړيكې لري۔ سږ كال د پاكستان د قامي ورځې په موقع د ماليزيا د وزيراعظم ډاکټر مهاتير محمد د پاكستان دورې په زړه پورې يادونه تر اوسه د اولس په زړونو كښې تازه پراته دي۔ ده ووئيل د کشمير په مسئله د ماليزيا لخوا د پاكستاني دريخ د غېر متزلزل او بشپړه ملاتړ هركلے كوٶ٬ دا خبره د ستائنې وړ ده ماليزيا د هند دړكې په خاطر كښې د نه راوستلو تر مخه د مقبوضه جمو و کشمير په حقله پخپل اصولي دريځ كلك ولاړ ٶ۔ شاه محمود قرېشي ووئيل د تعمير او پرمختګ د يو ډول هدفونو تر سره كولو او د شريكې مرستې وده كښې د دواړو هېوادونو ترمېنځه اقتصادي مرسته به ډېره ګټوره وګرځي۔ دواړه خارجه وزيران د تجارت، تعليم، ټيکنالوجي، انفراسټرکچر ډويلپمنټ پشمول بېلا بېلا څانګو كښې دوه اړخيزه مرستې ته سلا شول۔ د ماليزيا خارجه وزير داتو سېف الدين عبدالله په بلنه قبولولو او د ماليزيا په دوره كولو د خارجه وزير مخدوم شاه محمود قرېشي مننه وكړه۔ په دې موقع د ماليزيا خارجه وزير د پاكستان خپل همڅنګ مخدوم شاه محمود قرېشي په درناوي كښې مېلمستياﺀ هم وركړه۔(ګ ل
