اسلام آباد۔17فروری (اے پی پی):وزیر مملکت پارلیمانی امور علی محمد خان آکھیے جو بھارت اچ محصور پاکستانی خاتون سمیرا کوں واپس گھن آوݨ کیتے فوری اقدامات کیتے ویسن خمیس کوں سینیٹ دے اجلاس اچ سینیٹر عرفان صدیقی دے نکتہ اعتراض دے ولدے اچ انہاں آکھیے جو اے معاملہ انہاں دے علم اچ اڄ آئے ، ایں سلسلے اچ خارجہ سیکرٹری اتے وزات داخلہ نال رابطہ کیتا ویسی تے محصور پاکستانی خاتون کوں واپس گھن آوݨ کیتے فوری اقدامات کیتے ویسن ۔
