اسلام آباد۔21اپریل(اے پی پی)وزیراعظم محمد شہبازشریف ایم کیوایم دے رکن قومی اسمبلی اقبال محمد علی دی فوتکی تے انہاں دے پتر کوں پرچاوݨی ݙتی اے ۔وزیراعظم آفس دے میڈیا ونگ موجب مرحوم دے پتر عماد محمد علی نال فون تے ڳال کریندے ہوئیں وزیراعظم اقبال محمد علی دی خدمات کوں خراج عقیدت پیش کیتا۔ وزیراعظم آکھیے جو اقبال محمد علی ھک شریف النفس ، پڑھے لکھیے اتے عوام دوست بندے ہن ، ملک وقوم تے جمہوریت کیتے انہاں دی خدمات دیر تئیں یاد رکھیاں ویسن، ایں ݙکھے ویلھے سوگوار ٹٻردے نال ہیں، اللہ تعالیٰ مرحوم کوں جنت اچ جاہ ݙیوے۔
