كراچې 06 جنوري (اے پي پي) اولس مشر ډاكټر عارف علوي وئيلي دي چې ايوان صدر او ګورنر هاؤسز وګړو لپاره د پرانستلو د حكومتي اقدام په اولس كښې ډېره ډاډګېرنه شوې٬ د سندھ ګورنر عمران اسماعيل په كراچې كښې په سماجي٬ ادبي او نورو چارو كښې مهم كردار ترسره كړے۔ اولس مشر دا خبرې په ګورنر هاؤس كښې د ونټېج اېنډ كلاسك هارلے موټر سائيكلز نندارتون په موقع خبريالانو سره په خبرو كښې وكړې۔ اولس مشر ووئيل چې مونږ ته به نوې او پخوانې كلتور يو ځائ مخ په وړاندې بوتلل وي۔ په دې موقع د سندھ ګورنر عمران اسماعيل خبريالانو ته ووئيل چې په ګورنر هاؤس كښې درې ورځنې ادبي فېسټول كولې شي۔
