اسلام آباد – 30 – جون (اي پي پي) وزيراعظم محمد شهباز شريف چيو آهي ته الحمدالله آءِ ايم ايف سان 9 مهينن جي لاءِ 3 ارب ڊالر جو اسٽينڊ باءِ ارينجمينٽ معاهدو طئي ٿي ويو آهي. اهو انتظام پرڏيهي ناڻي جا ذخيرا مضبوط، معاشي استحڪام ۽ ملڪ کي پائيدار اقتصادي ترقي جي راهه تي گامزن ڪرڻ ۾ مدد ڏيندو. پنهنجي ٽوئيٽ ۾ وزيراعظم محمد شهباز شريف چيو ته ناڻي واري وفاقي وزير اسحاق ڊار ۽ ان جي ٽيم کي ان ڪاميابي تي مبارڪباد ڏيان ٿو. هن چيو ته تعاون ۽ حصيداري تي آءِ ايم ايف جي ايم ڊي ۽ ان جي ٽيم جا به ٿورا مڃان ٿو.
