اسلام آباد_ 01 جولاءِ (اي پي پي) وزيراعظم محمد شهباز شريف سويڊن ۾ مسجد جي سامهون قرآن پاڪ کي سرعام باه ڏيڻ واري واقعي جي شديد لفظن ۾ مذمت ڪندي چيو آهي ته ان جو واضع مقصد سڄي دنيا جي مسلمانن جي جذبن کي ڇيهو رسائڻ آهي ان واقعي جي جيتري مذمت ڪئي وڃي گهٽ آهي ۽ اهو واقعو گڏيل قدرن جي توهين آهي، پنهنجي ٽوئٽ ۾ هن چيو ته سويڊن ۾ مسجد سامهون قرآن پاڪ کي سرعام ساڙڻ جو واقعو پريشان ڪندڙ آهي، ان قسم جون اسلام مخالف حرڪتون عالمي قانون جي کليل خلاف ورزي آهن،هن وڌيڪ چيو ته مون وٽ لفظ نه آهن جن سان ان واقعي جي مذمت ڪيان جنهن جو واضع مقصد مسلمان امت جي جذبن کي ڇيهو رسائڻ آهي.
