اسلام آباد ۔ 9 اپرېل (اے پی پی) اولس مشر ډاكټر عارف علوي د پاكستان او برونائي دارالسلام دوه اړخيزه اړيكې په ورورولۍ او مرسته اډانه ګرځولو سره ورور هېواد ته د عسكري تربيې په څانګه كښې د مرستې وړاندېز او د امن مشقونو كښې د ګډون كولو بلنه وركړې ده۔ ده د رائل برونائي آرمډ فورسز كمانډر مېجر جنرال پېنګرين داتو پډا كوبن پنګرين حاجي محمد سره ملاقات كښې خبرې كولې چا چې د نهې په ورځ اولس مشر سره ايوان صدر كښې ملاقات كولو۔ اولس مشر ووئيل پاكستان برونائي دارالسلام سره اړيكې ډېرې مهمې ګڼي۔ ده ووئېل د دواړو هېوادونو ترمينځه د ورورولۍ اړيكې مذهب ٬ كلتور او تاريخ سره سره د سيمه ايزو او نړيوالو چارو په اړه په يو ډول دريځ اډانه دي۔ برونائی پاکستان مشترکه دفاعی کمېټي د دواړو ورونړو هېوادونو ترمينځھ پوځي او دفاعي مرسته زياتولو له يو ګټه ور فورم دے۔ اولس مشر برونائي دارالسلام ته د پوځي تربيې په اړه د مرستې پېشكش سره برونائي ته امن مشقونو كښې د ګډون كولو بلنه وركړه۔ ده آسيان كښې پاكستان سره د فل ډائيلاګ پارټنرشپ په مرسته كولو د برونائي د حكومت مننه وكړه۔ اولس مشر ووئيل پاكستان د ترهګرۍ په ضد جنګ كښې بلها قربانۍ وركړې ۔ پاكستان د ترهګرۍ په ضد جنګ كې د نړيوالې ورورولۍ مضبوط شراكت دار او منطقه كښې د امن په ځائې كولو عزم لري۔ ده زياته كړه چې د كشمير مسئله پخوانۍ ده او هند مقبوضه جموں وكشمير كښې بې ګناه وګړي وژلو سره په دوئي غاصبانه تسلط ساتلې۔ اولس مشر ووئيل د پاكستان او برونائي دارالسلام ترمينځه به د تجارت زياتولو او او كاروبار ډاډاګيرنه كول وي۔ ده په برونائي زور راوړو چې د خپل ضرورت ترسره كولو كښې د پاكستانو هنرمندانو ته بايد ترجيح وركړې شي
