اسلام آباد 03 مئي(اے پي پي)خارجه وزير شاه محمود قرېشي وئېلي دي حكومت د هېواد اقتصادي او سماجي پرمختګ لپاره په اقتصادي سفارتكارۍ عمل كوي٬د سرمايه كارۍ سازګاره ماحول پېدا كولو لپاره بېل اقدامات شوي ۔د جمعې په ورځ سرمايه كنفرنس ته د وېنا كولو په مهال خارجه وزير ووئيل موجوده حكومت په هېواد كښې د سرمايه كارۍ سازګاره ماحول پېدا كولو لپاره ګامونه پورته كړي او دا انټرپرينيئورز لپاره ښه موقع ده چې كاروباري كسان په پاكستان كښې زړه راښكوونكو موقعو څخه استفاده وكړي۔د خارجه پالېسۍ په ډګر د موجوده حكومت په كاميابو رڼا اچولو سره خارجه وزير ووئيل پاكستان په افغانستان كښې د امن او مفاهمتي عمل لپاره خپل كردار ادا كړی٬كرتار پور راهداري پرانستلو پشمول هند سره د امن لپاره هم ګڼ شمېر اقدامات شوي او چين٬سعودي عرب٬يو اے اي٬تركيه٬قطر٬ملائېشيا او ايران سره اړيكې بحال كړې شوي ۔شاه محمود قرېشي ووئيل پاكستان د خپلو ادائيګو په بيلنس قابو موندلو لپاره ملګرو هېوادونو څخه مالي مرسته ترلاسه كړی۔ده ووئيل د سي پیك دوئم پړاؤ څخه او لوظ نامې سره به د هېواد اقتصادي او سماجي پرمختګ كښې تندوالې راشي۔(
