اسلام آباد 01 جون (اے پي پي) خارجه وزير مخدوم شاه محمود قريشي وئيلي دي چې زمونږ د كاميابې خارجه پالېسې په نتيجه كښې نړۍ پاكستان د ستونزو د حل برخه ګڼي، په فلسطينيانو د ظلمونو او د بشري حقونو څخه د سرغړونو پلټنو لپاره په هيومن رائټس كونسل كښې د آزاد كميشن د قرارداد منظوري مهمه كاميابي ده. د نهې په ورځ په يو بيان كښې خارجه وزير ووئيل چې د تېرو څلورو لسيزو په مهال كوم خارجه وزير د دې څخه وړاندې د عراق په دوره نه دې تللې، عراق د او آئي سي مهم هېواد دے او په مېنځني ختيځ كښې د امن په اړه د عراق كردار د اهميت وړ دے. خارجه وزير ووئيل چې په فلسطين كښې د ډزبندې په اړه ابتدائي كاميابي ترلاسه شوې. د او آئي سي لخوا پاكستان د ملګرو ملتونو د بشري حقونو په كونسل كښې قرارداد وړاندے كړے. ده ووئيل چې ده د عراق خارجه وزير د كشمير مسئلې په اړه هم خبر كړے. د عراق خارجه وزير ته مو وئيلي دي چې مونږ په منطقه كښې په امن اوسېدل غواړو. خارجه وزير ووئيل چې يو اے اي سره پاكستان ښې اړيكې لري. په سباٶن كښې يو اے اي سره نورې هم قوي اړيكې غواړو. د وزيراعظم عمران خان هم د يو اے اي ولي عهد سره خبرې شوې دي. خارجه وزير ووئيل چې د پي اېس اېل د مېچونو په مهال چې كله ستونزې پېدا شوې دي، نو د يو اے اي خارجه وزير سره زما د خبرو په نتيجه كښې اساني پېدا شوې. ده ووئيل چې د افغانستان په مسئله مو پرون د ا پوزيشن ګوندونه خبر كړي دي او په دې لړ كښې مو د اپوزيشن تجويزونه هم اخستي دي. خارجه وزير ووئيل چې په هندوستان تر ټولو زيات فشار د كورني خراب صورتحال دے، د شمېرو له مخې په هند كښې 230 مليونه آبادي د غربت د ليكې نه لاندې ژوند كوي. د هندوستان معيشت د غلطو پالېسو په نتيجه كښې تر 7.3 فيصد راغونډ شوے. يوازې د اپرېل په مياشت كښې 73 لكه خلق په هندوستان كښې بې روزګاره شوي دي. ده ووئيل چې كه هند هر څو نه غواړي خو بيا به هم هند ته د مقبوضه كشمير خاص حيثيت بحال كول وي. خارجه وزير ووئيل چې وړاندې به چې كله په افغانستان كښې څه كېدل نو د دې تور به په پاكستان لګولې شو. نن زمونږ د كاميابې خارجه پالېسې په نتيجه كښې نړۍ پاكستان د ستونزو برخه نه بلكې د ستونزو د حل برخه
