اسلام آباد 05 جون (اے پي پي) د موسمياتي بدلون وزير مملكت زرتاج ګل وئيلي دي چې د ماحولياتو د نړيوالې ورځې كوربتوب پاكستان لپاره لوي اعزاز دے، دا د وزيراعظم عمران خان په مشرې كښې د قدرتي ماحول تحفظ و بحالې په هڅو ش نړيوالې ټولنې د باور څرګندونه ده، پاكستان به په دې لړ كښې نور جامع اقدامات هم كوي. هغې دا خبرې د خالي پھ ورځ د ماحولياتو نړيوالې ورځې په موقعې دستورې ته په خپله وېنا كښې وكړې. . وزيراعظم عمران خان په دستوره كښې خاص مېلمه و. په دستوره كښې د نړۍ د بېلا بېلو هېوادونو اعلٰی چارواكو، حكومتي شخصياتو او د نړيوالو ادارو مشرانو او استازو هم په ورچوئل توګه ګډون وكړو. په دې موقع وفاقي وزيران، د پارلمان غړي، غېر ملكي سفارتكار، د ماحولياتو د څانګې پوهان او اعلٰی چارواكي هم موجود وو. زرتاج ګل ووئيل چې د ګرين هاٶسز ګازونو په اخراج كښې د پاكستان برخه د نشت برابر ده خو د دې له امله په زيات آغېز من كېدونكو 10 هېوادونو كښې شامل دے. هغې ووئيل چې وزيراعظم عمران خان د هېواد د سباٶن او د راتلونكو نسلونو د محفوظ ساتلو وژن لري.
