اسلام آباد۔9جون (اے پی پی) این سی اوسی سارے سرکاری ملازمین کیتے 30جون تئیں ویکسی نیشن کراوݨ لازمی قرار ݙتے ݙتا ،11جون توں18سال توں ودھ عمر دے لوک واک ان ویکسی نیشن کراسڳسن ،15جون توں کاروباری بندش 1ݙینھ کرݙتی ویسی۔ ۔سینما ہالز بند رہسن جݙاں جو ویکسی نیشن کراوݨ آلے ممبران کوں جم اچ ونڄݨ دی اجازت ݙتی ڳئی اے ۔ ٻدھ کوں نیشنل کمانڈ اینڈ آپریشن سینٹر (این سی اوسی ) دا اجلاس وفاقی وزیر منصوبہ بندی اسد عمر اتے نیشنل کوآرڈی نیٹر لیفٹیننٹ جنرل حمو دالزمان خان دی زیر صدارت منعقد تھیا جیں اچ ویکسی نیشن مرحلہ اتے کورونا ایس اوپیز تے عملدرآمد دے حوالے نال تفصیلی جائزہ ڳھدا ڳیا ۔ پورے ملک اچ ویکسی نیشن مہم کوں ترائے طریقے دی حکمت عملی نال چلاوݨ دا فیصلہ کیتا ڳئے ۔ سارے شہریاں کوں رضا کارانہ طور تے ویکسین لواوݨ دی اپیل کیتی ویسی جݙاں جو پبلک اتے پرائیویٹ سیکٹرز دے سارے ملازمین کیتے ویکسی نیشن لازمی قرار ݙتی ڳئی اے ایں حوالے نال سارے سرکاری ملازمین کوں 30جون تئیں اپݨی ویکسی نیشن لازمی کراوݨ دی ہدایت کیتی ڳئی اے ۔ تریجھی حکمت عملی دے تحت این سی اوسی مختلف سیکٹرز کوں ویکسی نیشن کیتے حوصلہ افزائی دے بدلے مختلف مراعات ݙیوݨ دی حکمت عملی تے غورکریندی پئی اے ۔این سی اوسی آکھیے جو 11جون توں اتواردے علاوہ سارے ویکسی نیشن مراکز سویلے 8توں رات 10وجے تک کھلیے رہسن ،ویکسی نیشن مراکز ہݨ اتوار دی بجائے جمعے کوں کھلسن ۔11جون توں 18سال توں ودھ عمر دے لوکاں کتیے واک ان ویکسی نیشن شروع کرݨ دی اجازت ݙتی ڳئی اے ۔ این سی اوسی آئی ٹی بیسڈ سولیوشن تیار کرݨ دے مرحضے اچ ہے جیڑھے جو ویکسی نیشن سرٹیفکیٹ دی تصدیق کریسی جون دے چھیکڑ تئیں تیار کرڳھدا ویسی ۔ این سی اوسی 15جون توں پابندیاں اچ نرمی دا فیصلہ کیتے ۔ فیسٹیول ، کلچرل اتے دیگر ایونٹس تے پابندی جاری رہسی ۔پورے ملک دے مزارات بند رہسن ۔ 15جون توں ورک فراہم ہوم دی پالیسی ختم کریندے ہوئیں دفتر اچ 100فیصد ملازمین دی حاضری دی اجازت ݙتی ڳئی اے ۔ ہفتے اچ 2ݙینھ بین الصوبائی ٹرانسپور ٹ پابندی ختم کر ݙتی ویسی جیڑھے جو70فیصد سواریاں دی صلاحیت دے نال سفر کرسڳسن ۔ تفریحی مقامات، تعلیمی شعبے ،ماسک پاوݨ دے ایس او پیز ،ریلوے اتے اندرلے ملک مسافراں دی پالیسی بارے این سی اوسی پہلے اعلان کر چکی اے جیڑھے نویں فیصلے تئیں برقرار رہسن۔
