بيجنگ – 18 – آڪٽوبر (اي پي پي) نگران وزيراعظم انوارالحق ڪاڪڙ اڄ اربع ڏينهن بيجنگ ۾ ٿيندڙ ٽئين بيلٽ اينڊ روڊ فورم ۾ شرڪت ڪئي. وزيراعظم آفيس جي ميڊيا ونگ پاران جاري بيان موجب چين پاڪستان اقتصادي لنگهه (سي پيڪ) کي بيلٽ اينڊ روڊ انيشي ايٽو (بي آر آئي) جي فليگ شپ منصوبي هجڻ جي ناطي پاڪستان کي انهن قدمن جي حوالي سان مرڪزي حيثيت حاصل آهي. نگران وزيراعظم چين جي صدر شي جن پنگ جي دعوت تي ان فورم ۾ اهم وفاقي وزيرن سان پاڪستان جي نمائندگي ڪري رهيو آهي. نگران وزيراعظم فورم ۾ شريڪ عالمي اڳواڻن سان اهم ملاقاتون به ڪري رهيو آهي.
