اسلام آباد – 20 – نومبر (اي پي پي) نگران وزيراعظم انوارالحق ڪاڪڙ زارا الرٽ موبائيل ايپ جاري ڪري ڇڏي. نگران وزيراعظم ٻارن جي عالمي ڏينهن جي موقعي تي زارا الرٽ (زيڊ اي آر آر اي) موبائيل ايپ جاري ڪئي جنهن جي ذريعي گم ٿيل ٻارن جي فوري بازيابي کي ممڪن بڻائي سگهبو. هن سال انساني حقن واري وزارت ٻارن جو عالمي ڏينهن ان وچن سان ملهائي رهي آهي ته اسان جي ٻارن جي هر طرح سان حفاظت اسان جو قومي فرض آهي. سڄي دنيا ۾ 20 نومبر تي ٻارن جو عالمي ڏينهن ملهايو وڃي ٿو جنهن ۾ ان ڳالهه جو ورجاءُ ڪيو وڃي ٿو ته ٻار اسان جو قيمتي سرمايو آهن ۽ انهن کي هڪ محفوظ ماحول ڏيڻ اسان جي ذميواري آهي.
