اسلام آباد – 22 – مارچ (اي پي پي) وزيراعظم محمد شهباز شريف ڊيره اسماعيل خان ۾ پاڪ فوج جي قافلي تي دهشتگرد حملي جي سخت مذمت ڪئي آهي. وزيراعظم آفيس جي ميڊيا ونگ پاران جاري بيان موجب وزيراعظم حملي ۾ شهيد ٿيندڙ اهلڪارن جي مغفرت لاءِ دعا ڪئي ۽ انهن جي گهرڀاتين جي لاءِ صبر جميل جي دعا ڪئي. وزيراعظم چيو ته پاڪ فوج دهشتگردي جي لعنت جي مڪمل طور تي خاتمي لاءِ پرعزم آهي. جيستائين ملڪ مان دهشتگردي جو مڪمل خاتمو نٿو ٿي وڃي، دهشتگردي جي خلاف اسان جي جنگ جاري رهندي.
