اسلام آباد – 16 – مئي (اي پي پي) وزيراعظم محمد شهباز شريف جمهوريه سلوواڪيه جي وزيراعظم رابرٽ فيڪو تي حملي جي مذمت ڪئي آهي. سماجي رابطي جي ويب سائيٽ ايڪس تي هڪ ٽوئيٽ ۾ وزيراعظم چيو ته سلوواڪيه جي وزيراعظم رابرٽ فيڪو تي افسوسناڪ حملي جي سخت مذمت ڪريون ٿا، اسان جون دعائون ۽ نيڪ خواهشون سندس ۽ سندس خاندان سان گڏ آهن ۽ ان جي جلد صحتيابي ۽ سٺي صحت جي لاءِ دعاڳو آهيون. وزيراعظم چيو ته اسان هن نازڪ لمحن ۾ جمهوريه سلوواڪيه جي حڪومت ۽ عوام سان گڏ آهيون.
