اسلام آباد -12 جون (اي پي پي) مالي سال 25-2024ع جي لاءِ سرڪاري شعبي جي سالياني ترقياتي پروگرام (پي ايس ڊي پي) تحت محصولات ڊويزن جي جاري ۽ نون منصوبن لاءِ مجموعي طور تي 17696 ملين رپيا مختصر ڪرڻ جي تجويز ڏني وئي جنهن ۾ 13363.830 ملين رپين جي پرڏيهي معاونت شامل آهي. محصولات ڊويزن جي جاري منصوبن لاءِ 16770.215 ملين رپيا ۽ نون منصوبن لاءِ 925.785 ملين رپيا مختص ڪرڻ جي تجويز آهي. بجيٽ دستاويز مطابق پهرين کان جاري منصوبن مان آر ٽي او ساهيوال ۾ اضافي آفيس جي تعمير جي منصوبي لاءِ 222.483 ملين رپيا، ڪسٽم ڪامپليڪس سوست ۾ مختلف سهولتون فراهم ڪرڻ جي منصوبي لاءِ 182.696 ملين رپيا، گوادر ۾ ماڊل ڪسٽم ڪليڪٽوريٽ جي تعيمر لاءِ 680.833 ملين رپيا، ڪراچي ۾ انٽيليجنس اينڊ انويسٽيگيشن آفيس جي تعمير جي منصوبي لاءِ 72.883 ملين رپيا، ريجنل ٽيڪس آفيس سرگوڌا جي تعمير جي منصوبي لاءِ 490.981 ملين رپيا، ايشيائي ترقياتي بئنڪ جي سهڪار سان آءِ ٽي ٽي ايم ايس منصوبي لاءِ 7500.000 ملين رپيا، پاڪستان ريزز روينيو پروگرام لاءِ 7363.830 ملين رپيا ۽ طورخم ڪسٽم اسٽيشن ۾ ٽرانزٽ اڪاموڊيشن ڪامپليڪس منصوبي لاءِ 256.509 ملين رپيا مختصر ڪرڻ جي تجويز ڏني وئي آهي. بجيٽ دستاويزن مطابق محصولات ڊويزن جي نون منصوبن مان بليلي ڪوئٽا ۾ ماڊل ڪسٽم هائوس ڪليڪٽوريٽ جي تعمير جي منصوبي لاءِ 239.646 ميلن رپيا ۽ ريجنل ٽيڪس آفيس سيالڪوٽ لاءِ ايراضي جي خريداري جي منصوبي لاءِ 686.139 ملين رپيا مختصر ڪرڻ جي تجويز آهي.
