اسلام آباد 11 ستمبر (اے پي پي) د منصوبه بندۍ او پرمختګ وفاقي وزير احسن اقبال وئيلي دي پاکستان بډېرو معاشي چيلنجونو سره مخ دے٬ مونږ د پرمختيائي بجټ د ناسمه استعمال متحمل كېدے نشو، مونږ له به د قرضو په ځاے د هېواد په وسائلو باور كول وي، تر كال 2035 پاكستان د يو ارب ډالرو معيشت جوړولو ته مونږ وړومبۍ پام لرنه كوو ۔ دا خبره ده كال 24-2023 د پي اېس ډي پي د جاج اغستو غونډې مشرۍ په مهال كړې۔ په غٶنډه كښې وفاقي او صوبائي سيکرټريز، حکومتي نمائندګانو او لوړ پورو ګډون وكړو۔ په دې موقع احسن اقبال ووئيل په كال 2013 كښې پرمختيائي بجټ تر 340 ارب محدود ٶ٬ مونږ تر كال 2018 دا يو زر اربه روپو ته ورسولو٬ كه په كال 2018 كښې تش په نامه تبديلي نه وه مسلط كړې شوې نو نن به زمونږ پرمختيائي بجټ درې زره اربه ته رسېدلے ٶ۔ ده ووئېل په كال 2024 كښې په ګرانه پرمختيائي بجټ 1100 اربه ته رسېدلے او دا د دې خبرې ثبوت دے چې مونږ په پرمختيائي منصوبو څنګه سمجهوته وكړه۔ ده ووئيل تر 2035 پاكستان د يو ارب ډالرو معيشت جوړولو ته مونږ وړومبۍ پام لرنه كوو
