اسلام آباد 15 ستمبر (اے پي پي) د علامه اقبال اوپن پوهنتون په ټول هېواد كښې د روان كال 2018 خزان سمسټر پروګرامونو (مېټرك څخه تر پي اېچ ډي) لپاره د داخلې فارم به د روانې مياشتې تر 25مې نېټې وصولولې شي۔ ټول هېواد څخه داخله اخستو كښې خوښي لرونكي تر 25 م ستمبر د داخلې فارم سره ټاكلي فيس بېنك الفلاح ٬ حبيب بنك لمټېډ٬ فرسټ وېمن بېنك ٬ الائيډ بېنك ٬ نېشنل بېنك او مسلم كمرشل بېنك كښې جمع كولې شي۔ مېټرك څخه تر پي اېچ ډي پروګرامونو داخله فارم په ټول هېواد كښې د پوهنتون د 44 علاقائي دفترونو او 122 رابطه دفترونو څخه ترلاسه كېدې شي۔ د ټولو پروګرامونو پراسپكټس او داخله فارم د پوهنتون د وېب پاڼې څخه هم ډاؤن لوډ كېدې شي۔
