اسلام آباد 21 نومبر (اے پي پي)د پاكستان تحريك انصاف لارښود او پخواني وفاقي وزير ډاكټر بابر اعوان د عيد ميلاد النبي(ص)پھ موقع د دوه ورځني سيرت كنفرنس په وروستۍ غونډه كښې د كنفرنس اعلاميه ولوستله۔په اعلاميه كښې وئېلې شوي دي چې الله پاك په مونږ احسان كړې او حضرت محمد(ص)يې رحمت اللعالمين جوړولو سره په مونږ مبعوث كړې او دا نبي پاك (ص)وو كوم چې رنګ او نسل ختمولو سره حسن اخلاق د برترۍ معيار وګرځولو۔حضور پاك(ص)د خطبه حجته الوداع په موقع اعلان وكړو چې څوك سپين په تور او كوم عربي په عجمي هېڅ فضيلت نه لري٬نبي پاك(ص) دغسې د نوي تهذيب پېل كولو اعلان كړې و او د انصاف د نظام په پلو دا تهذيب وړومبې قدم ثابت شو۔د اعلاميې له مخې نړۍ د پیړيو د وينې تويولو او د جګړو نه پس د نبي پاك(ص)د تعليماتو په قبلولو مجبوره شوه او د دې عملي اعتراف په 20مه پیړۍ كښې د ملګرو ملتونو په چارټر د اتفاق په صورت كښې وشو او د نړۍ قومونو مساوات د نړيوالو اړيكو په بنياد تسليم كړو۔دا كنفرنس د دې خبرې څرګندونه كوي چې نبي پاك(ص)د الهامي هدايت وروستې امين دے د كوم ابتدا چې حضرت آدم عليه السلام كړې وه۔د نبي پاك صلٰی الله عليه وآله وسلم د نبوت د تكميل نسبت حضرت ابراهيم عليه السلام سره دې او يهوديت٬عيسايت د دې روايت مظاهر دي۔نبي پاك صلٰی الله عليه وآله وسلم نه يوازې د پخوانو انبياﺀ كرامو تائيد وكړو بلكې په دوي يې هم ايمان لازم وګرځولو۔نبي پاك صلٰی الله عليه وآله وسلم اعلان وفرمائيلو چې هغه په ملت ابراهيمي دے۔پیغمبر عليه السلام خپلو منونكو ته د نورو مذهبونو د احترام كولو درس وركړو۔د قرآن په رڼا كښې ووئيل شول چې ښځه هم د سړي برابر درجه لري٬دا كنفرنس د اروپائي ائتلاف د هغې پريكړې هركلے كوي د كومې د لارې چې د رائے آزادي او د مذهب سپكاوې جلا جلا كړې شوي دي او كنفرنس واضحه كوي چې په مقدس شخصياتو دې زبان درازي ونه كړې شي۔دا قابل تعزير او قابل ګرفت جرم دې۔كنفرنس د اسلامي ټولنو پام راګرځوي چې د دوي وجود په انفرادي او اجتماجي توګه د اعلٰی اخلاقو مظهر جوړ شي۔مونږ لپاره صحابه كرام٬اهلبيت او د نبي پاك صلٰی الله عليه وآله وسلم ذات اعلٰی نمونه دے
