اسلام آباد 29 ستمبر (اے پي پي) د مسلم ليګ ﴿ن﴾ صدر او په قومي اسمبلۍ كښې د مخالفې ډلې مشر شهباز شريف وئيلي دي چې د كشمير په مسئَله حكومت او اپوزيشن يو موټې دے٬ مودي دې د كوم ډول غلطې كولو نه ډډه وكړي۔ د اتوار په ورځ په ټويټر په خپل يو ټويټ كښې ده ووئل چې كله د كشمير مسئله وي نو حكومت او اپوزيشن په خپلو كښې د يو قوي غره پشان يو موټې ولاړ وي٬ بايد مودي د كوم ډول جارحيت غلطي ونه كړي۔ ده ووئيل چې نړيوال امن لپاره د پاكستان كردار يو مكمل دستاوېز دے او د ملګرو ملتونو په امن مشنز كښې د پاكستان لوئې ډلې په ځائ دي۔ ده ووئيل چې زمونږ بهادرو ځواكونو د ترهګرې په ضد بشپړه هڅې كړې دي٬ مونږ يو ذمه وار جوهري رياست يو٬ بايد نړۍ د فاشسټ مودي نه خبره اوسي۔
