لاهور 31 اکتوبر (اے پي پي) نګران وزيراعظم انوارالحق کاکړ وئيلي دي د ټول ټاكنو نيټه به اليکشن کميشن وركوي، لنډ مهاله حکومت به ليول پليئنګ فيلډ باوري كوي، مونږ په هر ډګر فلسطين لپاره غږ پورته كړے٬ پاكستان د اسرائيل د جارحيت سخته غندنه كوي، په غزه كښې په سمدستي توګه جنګ بندي پكار ده٬ او اولس ته دې مرسته ورسولې شي٬ د آئي اېم اېف پلاوې به په دوېم نومبر د پاكستان دوره كوي، اېس آئي اېف سي سرمايه کارۍ لپاره يو اهم پلېټ فارم دے٬ قاچاق په معاشي پرمختګ كښې لوي خنډ دے٬ د لنډ مهاله حكومت موثره انتظامي اقدامات سره د خوراك څښاك بيعه كښې كمے راغلے دے۔ ده دا خبرې د نهې په ورځ په لاهور كښې د ميو هسپتال دورې په مهال ميډيا سره كولې۔ د پنجاب وزيراعليٰ محسن نقوي پشمول نور لوړ پورې هم دوي سره وو۔ وزيراعظم ووئيل نړۍ كښې هېڅوك غېر ملكيانو له په غېر قانوني توګه خپل هېواد كښې د اوسېدو اجازه نه وركوي٬ دا تاثر سم نه دے چې رجسټرډ افغان كډوال بېرته لېږلے كېږي٬ په غېر قانوني توګه مېشته ټول تاركين وطن به خپلو هېوادونو ته ستنولے شي٬ ده ووئېل د هر هېواد وګړې په قانوني توګه پاكستان ته راتللے شي۔ د يوې پوښتنې په ځواب وزيراعظم انوار الحق کاکړ ووئيل د انتخابات نيټه به اليکشن کميشن وركوي، لنډ مهاله حکومت به ليول پليئنګ فيلډ باوري كوي۔ نګران وزيراعظم انوار الحق کاکړ ووئيل د آئي اېم اېف پلاوې به په دوېم نومبر پاكستان ته راځي ٬ په دې لړ كښې ټولې تيارۍ بشپرې شوي٬ هيله لرو چې په دې لړ كښې به د آئي اېم اېف پحقله چارې په كاميابۍ سره ترسره شي۔ د يوې پوښتنې په ځواب ده ووئيل اېس آئي اېف سي سرمايه کارۍ لپاره يو اهم پلېټ فارم دے٬ قاچاق په معاشي پرمختګ كښې لوي خنډ دے٬ د لنډ مهاله حكومت موثره انتظامي اقدامات سره د خوراك څښاك بيعه كښې كمے راغلے دے۔ ده ووئيل مذهبي سېلګرۍ ته وده وركولو لپاره اقدامات د وخت مهم ضرورت دے٬ د شاهي قلعه كلتورې ورثه بحالول خوشبينه ده٬ په دې لړ كښې به وفاق د پنجاب هر ډول ممكنه مرسته كوي او په دې لړ كښې د پنجاب حكومت هڅې د ستائنې وړ دي٬ ده ووئېل هيله لرو چې نورې صوبې به هم د سېلګرۍ ودې لپاره اقدامات وكړي٬ ده ووئيل د خپلې دورې په مهال د پنجاب حكومت د يو شمېر پرمختيائي منصوبو نه خبر شوم
