اسلام آباد۔19مئی(اے پی پی) د مذهبي چارو وزارت حج ته روانیدو نه وړاندې د ریګولر او سپانسر شپ سکیم حاجیانو ته د بنکونو له لارې د 55 زره روپو ادا کولو پرېكړه کړې ده۔ د جمعې په ورځ د وزارت وياند ووئيل چې د مذهبي چارو وفاقي وزير سېنېټر محمد طلحه محمود په خصوصي هداياتو د رېګولر او سپانسر شپ سکیم ټولو حاجيانو ته قربانۍ لپاره سړي سر 55 زره روپۍ وركول كېږي۔ حاجیان صاحبان دې دا رقم له اړوند بانک څخه ترلاسه كړي۔ دا خبره دې ښكاره وي چې ټولو حاجيانو له د حج لپاره روانېدو څخه وړاندې دا رقم ترلاسه كول ضروري دي٬ سعودي ته له تللو وروستو به دا نه ترلاسه كېږي۔ د پيو ماشومان او ريفنډ اخستونكي د قربانۍ رقم اخستلو اهل نه دي۔ د قربانۍ د رقم په ترلاسه كولو كښې ستونزې سره د مخ كېدو په صورت كښی د وزارت اكاؤنټ افسر سره په دې لمبر 0519208552 تماس نيولے كېدے شي۔
