اسلام آباد 02 جولائی(اے پی پی)د نجكارۍ٬سرمايه كارۍ بورډ او مواصلات وفاقي وزير عبدالعليم خان د روسيې سفير البرټ پي خوريف سره ملاقات وكړو ۔په ملاقات كښې د دواړو ترمينځه د شريكې خوښې په چارو د خيالاتو څرګندونه وشوه ۔وفاقي وزير عبدالعليم خان ووئېل پاكستان لپاره روس معاشي او جغرافيائي لحاظ څخه د اهميت وړ هېواد دے٬مينځني آسيائي هېوادونو او سوئېلي آسيا هېوادونو ترمينځه رابطه د اهميت لري ٬د تجارتي ودې لپاره روس او د مينځنۍ آسيا كراچۍ پورټ سره د تړلو خوښي لرو۔وفاقي وزير عبدالعليم خان د روسيې سفير سره په دو اړخيزه تجارتي او سرمايه كارۍ چارو هم تفصيلي د خيالاتو څرګندونه وكړه ۔وفاقي وزير عبدالعليم خان او د روسيې سفير ترمينځه په ملاقات كښې په بېلو څانګو كښې دوه اړخيزه عملي پېشرفت ته هم اتفاق وكړے شو ۔دغسې وفاقي وزير د روسيې سفير ته د خپلې اوسنۍ سينټرل اېشيا دورې څخه هم خبر كړو۔په دې موقع د روسيې سفير البرټ پي خوريف ووئيل روس پاكستان ته په بېلو پروژو كښې مالي او تكنيكي مرستې وركولو له خوښي لري۔د روسيې سفير وفاقي وزير سره په خبرو كښې ووئېل د تاجكستان٬ازبكستان او افغانستان د لارې تر پاكستان زمكيزه رابطه غواړو ٬ موجوده حالات كښې پاكستان ته په منطقه كښې تجارتي لحاظ څخه اهميت ترلاسه دے ٬روس پاكستان سره د “سټريټيجك پارټنر”په توګه كار كول غواړي۔وفاقي وزير او د روسيې سفير ملاقات كښې د اسلام آباد او كراچۍ نه تر ماسكو دوه اړخيزه فلائټ آپرېشن په اړه د خيالاتو څرګندونه هم وكړه۔د مواصلات وفاقي سېكرټري علي شير محسود هم ملاقات كښې موجود ؤ ٬دغسې په حكومتي پالېسيو او مواصلات محكمو بريفنګ هم وركړو۔
