سلام آباد۔1جون(اے پی پی)وفاقی وزیر اطلاعات و نشریات چوہدری فواد حسین آکھیے جو کویت 10 سال بعد پاکستان کیتے ورک ویزا شروع کر ݙتے، کورونا فرنٹ تے پاکستان دی ریکوری ڄڳ کوں حیران کر ݙتے، بجٹ اچ تنخواہ دار طبقے کوں وݙا ریلیف ملسی۔ ہک ٹویٹ اچ انہاں آکھیا جو چنڳیاں خبراں آوݨ دا سلسلہ جاری اے۔ انہاں آکھیا جو ملک اچ کرونا دی سورتحال بہتر تھی ڳئی اے، کراچی دے علاوہ پورے ملک اچ کورونا دی شرح 4 فیصد توں ڳھٹ ڳئی اے۔ انہاں آکھیا جیکر مہانڳ ودھیے تاں ول لوکاں دی قوت خرید وی ودھی اے جیڑھی چنڳی ڳالھ اے، امید اے جو آندے ݙو سالاں اچ عمران خان دی قیادت اچ ملک منزل دے ٻیا نیڑے پڄ ویسی۔
