اسلام آباد 18 دسمبر (اے پي پي) په پاكستان كښې د چين سفير ژاؤ جن وئيلي دي چې د چين پاكستان د اقتصادي لارې﴿ سي پېك﴾ پروژه د پاكستان او چين د تاريخي اړيكو او ورورولې څرګندونه ده٬ د دې په نتيجه به نه يوازې سيمه ايز يووالي وده وكړي بلكې د امن ٬ خوشحالې او پرمختګ يو نوې دور به هم پېل شي۔ د شور وپه ورځ د سيمه ايز يووالي په اړه د قومي اسمبلۍ سېكرټرېټ ترسيوري لاندې يوې مذاكرې ته په خپله وېنا كښې ده ووئيل چې د سيمه ايز يووالي په اړه دا مذاكره كول خوشبينه ده ځكه چې سي پېك د سيمه ايزې مرستې٬ پرمختګ او د سيمه ايز يووالي پروژه ده۔ ده ووئيل چې په دې لړ كښې پارلمان مهم كردار ترسره كولې شي ځكه چې هم دا هغه فورم وي كوم چې د اولس د ضرورياتو او هيلو په ريښتينې توګه ترجماني كوي۔ ده ووئيل چې د سي پېك په نتيجه كښې به د سيمې د اولس په خپلو كښې روابط زيات شي او د دې ګټه به نه يوازې منطقې بلكۍ د نړۍ امن ته هم ورسي۔ ده ووئيل چې دا د پاكستان او چين شريكه پروژه ده۔ دا زمونږ د تاريخي اړيكو او ورورولۍ څرګندونه ده۔ ده ووئيل چې په منطقه كښې اقتصادي پرمختګ او سيمه ايز يووالي لپاره د بشپړه هڅو ضرورت دے
