اسلام آباد۔8اګست (اے پي پي) د قامي اسمبلي سپيكر سردار اياز صادق د پارليمنټ لاجز پراختيا منصوبې د كوم تاخير نه غېر د بشپړولو سپارښتنې سره وئېلې دي كه نور تاخير وشو نو د ذمه وارو په ضد به قانوني لاره خپلولې شي ۔ د زيارت په ورځ قامي اسمبلۍ سيکرټريټ تر مخه سپيکر د منصوبې په لګَښت كښې د زياتوالي هم سخت نوټس واغست او د منصوبې زر تر زره او د لږو نه په لږو پیسو د بشپړولو سپارښتنې سره ئې ووئېل د منصوبې په تر سره كولو كښې تاخير او لګښت كښې زياتوالے به برداشت نه كړے شي ځكه چې د منصوبې تاخير له امله د پارليمان غړي سختتو ستونزو سره مخ دي او هغوي څو ځل په دې اړه خپلې اندېښنې هم څرګندې كړي ۔ د سيکرټريټ تر مخه د سپيکر په خاص هلو ځلو پارليمنټ لاجز كښې د پراختيا په منصوبه کار روان دے۔
