اسلام آباد۔10اګست (اے پی پی) د كورنيو چارو وفاقي وزير محسن نقوي په وادي تيراه كښې خارجي ترهګرو سره په نښته كښې د امنيتي ځواكونو لخوا شهيد شوې درې ځوانانو ته د عقيدت پېرزوينې وړاندې كولو سره وئيلي چې مونږ د هغه اتلانو فرزاندانو كورنيو سره ولاړ يؤ كومو چې خپل نن د قام په سبا قربان كړو٬ د ترهګرۍ ضد جنګ كښې قام د پاک پوځ ترڅنګ ولاړ دے۔ د خالي په ورځ د كورنيو چارو وزارت لخوا په جاري شوي يو بيان كښې د كورنيو چارو وزير محسن نقوي د شهيد حولدار انعام ګل، سپاهۍ محمد عمران او سپاھي الطاف خان له كورنيو سره د خپلې ژورې خواخوږۍ څرګندونه كولو سره ووئيل د امنيتي ځواكونو ځوانانو زړورتيا او مړانه ښودلو سره 4 خارجي ترهګر خپل عبرتناك انجام سره مخ كړل۔ ده ووئيل د هغو امنیتي اهلكارو تلپاتې قربانيو ته سلام وړاندې كوؤ كومو چې د خارجي ترهګرو د ناوړه ارادو ناكامه كولو په مهال د شهادت درناوې ترلاسه كړو۔ د شهید شويو اهلكارو سترې قربانۍ به تل یاد ساتلې شي۔ محسن نقوي ووئيل مونږ د هغه اتلانو فرزاندانو كورنيو سره ولاړ يؤ كومو چې خپل نن د قام په سبا قربان كړو٬ د ترهګرۍ ضد جنګ كښې قام د پاکستان د پوځ ترڅنګ ولاړ دے۔
