لاهور 15 اګست (اے پي پي) د پاکستان مسلم ليګ (ن) صدر محمد نواز شريف په مشرۍ كښې د زيارت په ورځ د ګوند د اعلٰې قيادت مهمه مشاورتي غونډه په ماډل ټاٶن كښې وشوه ۔ په دې موقع وزيراعظم محمد شهباز شريف، وزيراعلي مريم نواز شريف او د ګوند نور مشران او عهدېدار هم موجود وو۔ په غونډه كښې اولس ته په ګرانۍ او د بجلۍ په بلونو كښې په ريليف وركولو تفصيلي غور وشو۔ د مسلم ليګ ن وياندې مريم اورنګزېب لخوا د جاري خبر پاڼې له مخئ په دې موقع خپلې وېنا كښې محمد نواز شريف ووئيل د بجلۍ بلونه اولس لپاره ناقابل برداشت دي، پي ټي آئي تباهي ٬ ګراني او ګران بلونه پرېښودي خو اولس زمونږ نه د ريليف هيله لري، دا زمونږ د صلاحيتونو امتحان دے چې په سخت وخت كښې هم اولس ته ريليف څنګه وركول دي٬ هېواد د ديواليه كېدو نه ساتل او معاشي استحکام بېرته راوستلو لپاره سياسي قربانۍ ستاسو د حب الوطنۍ ثبوت دے۔ وزيراعظم محمد شهباز شريف د ګوند صدر د قامي معاشي ايجنډې خدوخال نه خبر كړو٬ قامي معاشي پلان ته حتمي شكل وركولو نه وروستو به محمد شهباز شريف د ګوند صدر محمد نواز شريف ته بريفنګ وركوي۔ په دې موقع وزيراعظم محمد شهباز شريف ووئيل د هېواد د ټولو مسئلو حل لپاره يو جامع معاشي اېجنډا جوړه كړې شوې ٬ تر 200 يونټ پروټيکټډ او نان پروټيکټډ د بجلۍ صارفينو ته دريو مياشتو لپاره ريليف وركړے شوے٬ ده ووئيل پرمختيائي بجټ څخه د 50 اربه روپو په كمي كولو سره 86 فيصده اولس ته ريليف وركړے شوے۔
